桜ちゃんの空

    昨日，呢个比较特别，某人又老咗了，唉，真系觉得岁月不饶人啊～

 

     昨日系一个忙碌嘅日子，好似高三果年之后，呢日都未试过甘忙碌啊。

     一大早就要爬起身做供应链嘅作业（汗，其实系我懒，一直都未做，以为果日朝早就要交，结果甘积极），跟住上咗成日个课，几乎未停过，晚黑食完饭返黎，又同阿WINGS小朋友讨论咗一下管理学案例分析嘅思路。原计划晚黑系做运筹学作业，而且要刨晒小组揾翻黎嘅沃尔马资料，第二日要小组讨论，而且系必须出到最后嘅outline。

     结果，俾搜集资料果班人激死，居然走晒去开乜三下乡会，乜都无揾。我都预见到可能会出问题，专登叫CEO揾负责人，然后“威胁”个负责人到期一定要交货，结果都系出乎我想象，连个负责人都走埋，唉～无言……最后，CEO仲无奈甘话唔得就自己揾资料啦～汗，甘仲要搜集资料小组黎做乜啊？？？最终结果？米就系好无奈甘将大家之前揾嘅资料唔黎有无用都罗去打晒出黎，然后再慢慢研究咯。

     十三页纸，原先都以为自己可以睇晒区嘅，但翻到宿舍之后越谂越激气，根本乜都做唔到，无奈之下只好睇返集《がんばっていきまっしょい》，（众人话，其实都唔知几恨睇啊……汗）。总之，某人就开始咗睇嘢啦。

     睇下睇下，BUTA仔就罗住个小提琴落课返黎啦。区都未坐低，就好似突然谂起D乜甘同我讲话阿晓好似有急事揾我，叫我过一过去。某人又单纯可爱，谂都无谂就拿拿临走咗出宿舍了。AND THEN？隔离宿舍都未行过就听到锁门声了。一向聪明伶俐嘅某人已经意识到发生乜事了，但系已经太迟了，我被反锁了，唔系系屋内，系系宿舍外。呜呜～叫天天不应叫地地不灵甘系宿舍外边食西北风。（总结经验就系唔好轻易相信BUTA啊，区绝对系讲大话唔洗经大脑嘅人黎嘅，讲得好听叫应变能力强，其实系好有新一代千王之王嘅潜质）

     经过漫长且百无聊赖嘅等待，宿舍门终于都徐徐打开咗了。入门口嘅两张台都点满咗蜡烛，一入去就听到BUTA仔系度用小提琴演奏生日歌，虽然只系初学者，拉得很生涩，不过果一刻真系有些少感动，见区甘认真，头先呃鬼我件事就算数拉。

     听完生日歌，许完愿，noodle仔好兴高采烈甘催我吹蜡烛。唉，我又一次感觉到被人整蛊了，D蜡烛系经过特别处理嘎，根本就吹唔熄嘅，吹到断气甘制都系徒劳，好无奈……

     跟住？米就开始发挥我地434三位同学固有嘅精神，系度狂映相咯，好自然我又成为目标拉，被逼映咗好多唔知系度做乜嘅相，汗……迟D会拣部分上传嘅了，大家千祈唔好见笑啊～

 

     系了，今年好难得，两位老人家都发短信同我讲生日快乐波，睇到短信果时好感动啊，系屋企区地好少会甘讲嘎，而且我系度考虑咗好耐，区地打短信晒咗几多时间同心机呢？尤其系妈咪，根据我嘅经验，区台手机唔系一般嘅唔好用，上次帮区发短信俾人，打字打到我发“懑挣”。所以系呢度，特别要感谢两位老人家～当然都要感谢所以送上祝福嘅同学仔拉～ありがとうございます。

 

    p.s.:我好似又讲错嘢激嬲咗隔离位了，唉，其实我讲笑嘎咋，隔离位唔好嬲拉～

    

   

 

  第一次睇完关8嘅演唱会甘感触，从来都觉得关8嘅演唱会与众不同，有好多新鲜嘢。原先以为今次会系关8战队最吸引嘎，点知睇完之后完全唔系果回事。突然发现小8有好多歌都好让我好感动，印象最深嘅就系区地一齐坐系台度，静静地自己伴奏subaru主唱嘅果首オニギシ，亮吹口琴，安田弹吉他……真系听到好感动，又一次感觉到母爱嘅伟大，好后悔之前一直无注意小8甘用心唱紧嘅系乜。
   歌词同翻译已经贴咗出黎同大家分享了，有兴趣可以睇睇

オニギシ

作詞：ユウ／作曲：チパ／ボーカル：春゛（バル）

そんな僕もいつしか大人になってたよ
这样的我 不知不觉已长大成人
でも お母ちゃんにとってはいつまでも子供なんだね。
但是 对于妈妈而言 我永远是个孩子

小さい時の僕って オニギリって言葉も
儿时的我 连“饭团”
ろくに言えなかったね。
这样简单的词都说不好
いつも いつも オニギシって言ってた
一直 一直 都嚷着要「换团」

女手一つで 育ててくれたお母ちゃん
一个人把我我养大的妈妈
そのせいか 僕の幼い頃の夢って
可能因为这个 我儿时的梦想就是
ボク、お母ちゃんと結婚すんねん！！
我，要和妈妈结婚！！

そんな僕もいつしか大人になってたよ。
这样的我 不知不觉 长大成人
でも お母ちゃんにとってはいつまでも子供なんだね。
但是 对妈妈而言 我永远是个孩子
お母ちゃんの生き方 “頑張るコト”
妈妈的生存方式就是“努力”
僕は頑張るを 精一杯 ガンバッてるよ。
我要努力好好加油

あの時のコト　覚えてるかな？
还记得那时候的事吗？
僕が友達に裏切られてくやしがってる時。
我被朋友背叛 懊丧的时期
裏切られた自分をくやむなら
您对我说 要懊丧被背叛的自己
信じた自分を褒めなさいって言ってくれた言葉。
不如褒奖一下信任別人的自己
でも その後 友達をどなり散らしたね。
但那之后 却生气的把朋友骂走了呢。

お母ちゃん 僕は何してあげれた？
妈妈 我曾为你做过些什么吗？
優しかった？ もっと一緒に笑いたかったな
对你温柔吗？好想再一起欢笑啊
でも　もうそれも遅いんやんな～？
但是 都已经太迟了吧？
お母ちゃんは楽しかったんかな～？
妈妈 您快乐吗？
やっばり僕、オニギリじゃなくて…オニギシが食べたいねん！
我始终 想吃的还是「饭团」不对…是「换团」

オニギシが食べたいよ。 オニギシしかだめなんだよ。
好想吃「换团」哦。只要「换团」哦
ちょっとしょっぱいオニギシ作ってよ。
做个稍带咸味的「换团」哦

オニギシが食べたいよ。 オニギシしかだめなんだよ。
好想吃「换团」哦。只要「换团」哦
生まれ変わったらまた オニギシを作ってね。
即使下辈子 也要做「换团」给我吃哦

やっぱり オニギシ。
果然 还是换团~
オニギシおいしいねん
还是「换团」最好吃呢

  之前space一直发傻，发唔到日志，搞到以家先可以补发翻上黎，郁闷……

 

 

1．喜欢一个人到什么程度算是爱？
   呃～呢个问题比较复杂，从呢个症状嚟睇，应该系无啦啦会自己喺度傻笑，喜怒哀乐被另外一个左右吧……

2．今年的情人节你是怎么样过的？
   这个……真系完全无印象波

3．你相信网络里有真实的感情吗？
   有……挂……总之我身上就绝对无就系了

4．倘若时光可以倒流，你希望你现在可以回到几岁？
   呃，呢个不好答波，重新嚟过又怕做得唔好，如果回到高三万一高考失败点算，汗……好似谂得太多了。如果一定要讲甘就大一军训完之后啦，05年度啦。

5．如果以生命做代价，你最想得到什么?
   可以用我生命作交换嘅就只有我最爱嘅人嘅生命，不过换咗之后好似我最爱嘅人都唔会生活得好波，算啦，都系唔换了，要痛苦都等我痛苦啦。（貌似好伟大……汗～）

6．请用一句话说明你是怎样的一个人？
呃……这个……我也不是很清楚，矛盾的结合体吧，应该比较难相处，朋友不多。

7．你喜欢哪个与爱情无关的故事？
一时间谂唔到波，汗，睇嚟真系睇得太多言情小说了……

8．相信有抬头纹的人会比较善良吗？
呃……我想请教，乜叫抬头纹啊？

9．你觉得梦是什么？
浪漫D就好虚无缥缈嘅一种印象，科学严谨D就系大脑皮层处于兴奋状态，在入睡后仍继续运作，可能同脑电波有关系，汗，其实系乱吹嘅……

10．觉得爱情的保质期有多长？
   这个……在现代社会，我已经对现代人嘅爱情失去信心了，虽然好似一次都未经历过，汗……

11．快乐是什么？
   乜都唔洗谂，想做乜就做乜

12．你觉得周笔畅怎么样？
   斋知个名同区系广州赛区出去噶咋喔，不过既然系广州出去嘅应该都唔会差嘅，咔咔～

13．拿破仑和希特勒和成吉思汗比较，更欣赏谁？
   汗，同区哋唔熟，得闲约区哋饮餐茶再答你……

14．近期要实现的目标是什么？
   过日语三级，最好就梗系取得好成绩啦

15．要是你的旧情人因为你发疯，你咋办呢？
   我可能会觉得内心不安、歉疚吧，不过实际行动上好似都唔会点做波。

16．会不会同时爱上两个甚至更多的人呢？
   我对自己嘅专一程度绝对有信心，喜欢或许会吧……

17．一个人，对你温柔体贴关爱倍加；另外一个，让你爱的近乎发狂，却始终对你不冷不淡，甚至有点不解风情，你会选择谁？
   甘就要睇我需要乜了，需要爱情当然系后者啦，需要婚姻就系前者咯，唔容易出婚外情啊嘛，本人比较理智……

18．你相信有外星人吗？
   有……挂……唔系好清楚波

19．你认为人的重要的品性是什么？
   忠诚，有责任感，诚实，善良……

20．你心目中认为最好的城市在哪里?有什么优点?
  梗系广州啦，点讲我都系喺度大噶波，有我嘅朋友、亲人、回忆嘅地方，优点啊……可以讲广州话算唔算啊

21．到目前为止,自己拥有的最珍贵的东西是什么?
   回忆。本来想答妈咪之类嘅，不过区哋好似都唔系东西波，汗……

22．当你工作中遇到不想做的时候怎么办？
  听歌、睇书，又或者睇电视，训觉咯

23．看过日本侵华相关的文字图片和记录片吗？你对日本人犯下的罪行怎么看？
   绝对睇过啦，觉得好残忍，唔明点解人可以对人做出D甘嘅嘢。
但我唔会因为甘就盲目排日嘅，毕竟人哋都有做得好我哋应该学习嘅地方。

24．朋友点名让你做游戏，你做不做？
甘就要睇系边个叫到啦，咔咔～以家乜努力做紧咯

25．你怎样看待你的初恋？
初恋？唔知算唔算波，算嘅话就还好吧，比较青涩

26,什么是最幸福的场景?
  一家人心连心嘅时候，即使面对困境亦系幸福嘅

27．你觉得人死之后是什么样的？
呼吸停止，脑死亡……然后去到另一个世界，无边嘅黑暗，无忧伤、无烦恼，当然亦无欢乐

28．到目前为止，哪个人是最令你难忘的？
   呢个问题出得好些少问题，最难忘甘系米即系已经成为过去，以后同我都无乜交集噶啦？系甘真系唔知波

29．你最希望自己成为怎样的人？
    独当一面、自立自强

30  怎样才可以让自己做到让别人信任?
   古龙先生教导，要扼人就要先讲真话，讲十句真话，再讲一句假话，甘就可以了。应该同理吧，先去相信人，人哋自然亦会相信你吧

31. 见过一辈子的朋友吗？
   未，不过希望自己有

32.请说出自己最坚持的梦想
   呢个，好似无波，女人都系比较善变嘅

33. 你最想对MIKI说的一句话。
  我比较不在行波呢类问题，第一时间谂到嘅系——做对好朋友吧，好似比较奇怪的说……

 

      呢两日喺度死刨烂刨套《风雨西关》，讲真，一开始真系觉得好嘛嘛，剧情又好，人物关系都好，唯一出色嘅系人物性格好鲜明、突出。如果我唔系钟意陈坤，我一定唔会坚持睇落去。仲要死睇烂睇，睇完电脑里头果45集居然系未完嘅，泪～点解会甘命苦嘎？

 

      嗯，言归正传。不过，一路睇落嚟，令我有好多思考，对人，对人性，甚至社会、时代。我最大最深嘅感触系我应该觉得庆幸，我生长系一个和平、繁荣嘅时代，虽然，喺现代社会，我哋都要面对各种各样纷繁复杂嘅问题，要喺现代社会身存并唔系一件容易嘅事，但是，与生活喺果个动荡不安时代嘅人民大众相比，我哋系生成喺一个好时代，赶上了好年头。借用天慧嘅一句话“安稳才是最大的幸福。”

 

     里面有各色各样嘅人物，有令人喜爱嘅一面，也有令人反感嘅一面，唯独有两个主角我系只有一种感情嘅，第一个就系陈坤饰演嘅辆锦坤。之前宣传呢部戏嘅时候，都大肆渲染这个所谓嘅反派角色，如何如何从一个天真嘅少年蜕变为一个玩弄权力嘅军阀头目。可是，从头到尾，我都丝毫感受唔到区嘅坏，反而系区对母亲嘅孝顺，对兄弟嘅关心，对爱情嘅忠诚……

 

     锦坤系二太太生嘅，从小就被赶出家门寄住在方家，连回家食餐饭都要睇大妈嘅面色。在家里无立足之地已是可悲之至了，出到嚟巷子里，在一大群一起成长嘅孩子中，区亦都系矮人半截嘅。或者大家口中不讲，但在心底深处都系甘认为嘅。区一直努力用自己微薄嘅力量保护着南珠里，可惜大家都唔理会区嘅苦心，反而误解区、离开区，锦坤心里的苦楚永远只有区自己一个知道，以致于小杏子同区讲你真系个好人嘅时候，区只能无奈地苦笑，“南珠里里头，只有你一个说我是个好人。”

 

     果一刻，我充分理解到，能把人伤得最深嘅只有人，同时，无知也是最大嘅罪过。因为无知，你嘅一句话可能令兄弟反目，因为无知，一次又一次伤害了身边人，甚至被人利用还懵然不知，甘系可怜定系可悲？有时我觉得无知就系自以为是，就因为无知，所以才会自以为是。

 

    而在对待感情方面，锦坤也是绝对忠诚的，从区六岁开始，区便死心塌地地爱上了谢天慧，即使天慧眼中只有家俊，即使天慧只当区系出气包，区依然默默地守护着天慧，在天慧最需要嘅时候出现。不像谢天佑，因为麦琪而舍弃已经订立婚约嘅家仪。当初提出要订婚嘅系区，后来悔婚嘅又系区。区系里头最让我恶心嘅一个角色，即使一开始，区热心工人运动，系大家心中嘅大哥嘅时候，我已经厌恶呢个人了。系我眼中，区系一个伪君子，从一开始就系，经历甘多事之后，所谓嘅蜕变，亦只不过系现形而已。为咗区嘅情欲，区毁咗家仪一生，亦毁咗麦琪；为咗利益，区甘愿将天慧送俾温廷光，几乎毁咗自己亲妹妹一生嘅幸福；为咗保住谢家喺军界嘅地位，区几乎害死家俊，甚至在家俊得救后，同梁家老爷抢方家祖屋，将方家逼上绝路……甘样嘅人，实在令人不寒而栗啊，但愿喺我嘅生命中永远都唔会出现甘样嘅角色。

 

     麦琪讲得好岩，有好多事我哋系无法简单地用对与错嚟判断衡量嘅，就好似世界上嘅每一个人一样，都有区好与不好，只系边方面所占比例更大，或者系你更睇重边个方面，你点样去看待，从边个角度去看。就举麦琼同麦琪两姊妹嚟讲啊，区哋嘅性格相距甚远，麦琼张扬，喜欢炫耀，一心想嫁个有头有面嘅少爷；而麦琪则恬静、有骨气、处变不惊。

 

     本来，我应该好厌恶麦琼，好钟意麦琪先岩嘅。但系，见到麦琼对锦坤嘅关怀，不求回报，只要锦坤有难，区一定会想办法帮忙，有一次，锦坤被人诬蔑几乎被害死，都系区喺最紧要关头将徐司令请到，救了锦坤一命。区懂得点样喺外边嘅世界生存，知道如何在社交界立足，你可以话呢种女人可恨、恐怖……但我却被麦琼对锦坤嘅一片深情、无私嘅爱所感动，区甚至一直鼓励锦坤同天慧发展，越到后期，我就越钟意呢个角色。

 

     而麦琪呢，确实，区具有我所认同个现代新女性嘅特质，对父母孝顺，对工作认真负责……可惜区爱上咗谢天佑。虽然，在家仪离开之前区并无表示，但系却默许了谢天佑一工会之名对区嘅种种帮助，某种程度上嚟讲，家仪一生嘅悲剧，区系帮凶。家仪离家而去之后，区居然真系同谢天佑一齐，实在令我反感。我无法否认区系一个好人，剔除区嘅感情生活，区系我心中完美女性嘅代表，但我无论如何都无办法钟意呢个角色，有时，区甚至令我讨厌，虽然区并无做出任何逾越道德界限嘅事。我无办法评价呢两姊妹边个好边个唔好，边个岩边个错，我只能话我钟意麦琼，唔钟意麦琪。

 

     除咗人物性格嘅多重性，人物关系复杂性外，整部剧仲有一件事令我思考嘢。

     在战场上，谢天豪担任团长嘅第二团全军覆没，在最后时刻，家俊拼死往前冲，而区却逃跑了，做咗逃兵，最后，仲系家俊发现受伤嘅天豪，令区重新振作，面对失败嘅。为咗救受伤嘅天豪，家俊独自落山去揾大部队，却被认为系逃兵，而天豪，却大难不死，靠自己落山遇到部队，意气风发地归来。

 

     本来，天豪去为家俊做证明，希望救家俊出嚟。如果唔系有人将证词交回俾锦坤，可能证词已经被温廷光利用，反咬一口指天豪亦系逃兵，一并处决了。天豪为咗谢家不被连累，恳求家俊不要将区哋曾经一齐嘅事讲出嚟。最终，家俊被军事法庭判处死刑。

 

     就系行刑当日，锦坤动用警察劫了刑场，天豪以此为名率领部队围起警察局，借此除去了一直想置锦坤死地嘅警察局局长。此后，锦坤接受“调查”此事，在天豪嘅安排下，在部队中有人“招认”此事系温廷光在幕后操纵，如此，就把南珠里一直嘅死敌、投机玩弄政治嘅温廷光给整死了。

 

     整件事都做得很完美，除了救咗家俊，同时亦除去两个大敌。但从另外一个方向谂，亦可以话锦坤区哋利用咗家俊，利用咗家俊系逃兵呢件事。也因为如此，家俊与这两个换帖结拜的兄弟决裂。但系，天豪不出嚟作证真的完完全全错了吗？唔见得。就如天豪所讲嘅，只有区活着，家俊先有机会生存。如果天豪真的区作证，证词一定会被温廷光利用，最后系一个都保唔住。锦坤错了吗？区亦系为咗南珠里，为咗天豪先将证词还给谢天佑嘅，而且劫刑场不是一件小事，区亦只系将计就计揾个替死鬼而已。那么，系家俊错怪区哋？无人可以甘讲，在刑场上自己几乎无命，因为什么？因为兄弟嘅贪生怕死，因为兄弟不讲义气，最后，虽然活过嚟了，却成为自己一起长大嘅兄弟除去眼中钉嘅工具，任谁都会反目。但区真的应该与兄弟反目吗？也不见得。大家为咗救区亦费了不少劲。

    

     每一个人都有区嘅立场，都有区嘅苦处，旁人系无法领悟，无法理解嘅。世事或者根本救无所谓对与错，当你站在不同嘅位置，就会看到不一样嘅风景。我们永远都会自觉或者不自觉地从自己嘅角度出发。又有边个可以讲甘样系岩定错噶呢？